(ភ្នំពេញ) : អនុគណៈកម្មការស្រាវជ្រាវជំងឺកូវីដ១៩ នៅព្រឹកថ្ងៃទី២២ ខែមេសា ឆ្នាំ២០២១ បានចេញប្រកាសព័ត៌មានកម្រិតហានិភ័យចំពោះទីតាំងចំនួន៤រួមមាន៖
១៖ ផ្សារកសិផលជ្រោយចង្វារ ដែលមានទីតាំងស្ថិតនៅផ្លូវកែវចិន្តា សង្កាត់ជ្រោយចង្វា ខណ្ឌជ្រោយចង្វានៅថ្ងៃទី១៣ និងថ្ងៃទី ១៦ ខែមេសា ឆ្នាំ២០២១។ មូលហេតុ៖អ្នកជំងឺកូវីដ១៩ ចំនួន ២នាក់ បានទៅដើរផ្សារ នៅទីតាំងខាងលើនេះ។
២៖ បន្ទប់ពិគ្រោះ ព្យាបាលជម្ងឺទូទៅ ពេទ្យ គាង ដែលមានទីតាំងស្ថិតនៅផ្ទះលេខ១៧៥E ភូមិព្រែកតាឡុង សង្កាត់ចាក់អង្រែក្រោម ខណ្ឌមានជ័យនៅថ្ងៃទី ១៨ ខែមេសា ឆ្នាំ២០២១។ មូលហេតុ៖អ្នកជំងឺកូវីដ១៩បានទៅប្រើសេវានៅទីតាំងខាងលើនេះ។
៣៖ ផ្សារ គីឡូលេខ ៤ ដែលមានទីតាំងស្ថិតនៅ សង្កាត់ទឹកល្អក់១ ខណ្ឌទួលគោកចាប់ពីថ្ងៃទី១០ ដល់ថ្ងៃទី ១៨ ខែមេសា ឆ្នាំ២០២១។ មូលហេតុ៖ អ្នកជំងឺកូវីដ១៩គឺជាលក់សាច់ជ្រូកនៅទីតាំងខាងលើនេះ។
៤៖ សាលារៀនអន្តរជាតិ ICAN ដែលមានទីតាំងផ្ទះលេខ៨៥ ផ្លូវសុធារស សង្កាត់ទន្លេបាសាក់ ខណ្ឌចំការមន ចាប់ពីថ្ងៃទី១០ ដល់ថ្ងៃទី ១៨ ខែមេសា ឆ្នាំ២០២១។ មូលហេតុ៖ អ្នកជំងឺកូវីដ១៩គឺជាបុគ្គលិកផ្នែក IT នៅទីតាំងខាងលើនេះ។
អនុគណៈកម្មការស្រាវជ្រាវ និងតាមដានបុគ្គលសង្ស័យន់ណែនាំឱ្សប្រជាពលរដ្ឋដែលធ្លាប់បានទៅទីតាំងខាងលើង ដាក់ខ្លួនដាច់ដោយឡែកនិងតាមដានសុខភាពរបស់ខ្លួនរយៈពេល ១៤ថ្ងៃ តាមវិធានសុខាភិបាលរាប់ចាប់ពីថ្ងៃដែលអ្នកបានទៅទីកន្លែងនោះ នៅថ្ងៃឬក្រោយថ្ងៃអ្នកជំងឺបានទៅ។
អនុគណៈកម្មការស្រាវជ្រាវ និងតាមដានបុគ្គលសង្ស័យថាមានផ្ទុកជំងឺកូវីដ១៩ បានអំពាវនាវដល់ប្រជាពលរដ្ឋធ្លាប់ទៅទីតាំងទាំង៤នេះ ប្រសិនបើមានអាការៈមិនស្រួលខ្លួន ឬលេចចេញរោគសញ្ញា គ្រុនក្តៅ ក្អក កណ្តាស់ ឈឺក ហៀរសំបោរ ហត់ ឬពិបាកដកដង្ហើមសូមមេត្តាប្រញាប់ទៅធ្វើតេស្តរកមេរោគកូវីដ១៩។
ទីតាំងសម្រាប់ធ្វើតេស្ដមាននៅវិទ្យាល័យបាក់ទូក, វិទ្យាល័យបឹងត្របែក, មណ្ឌលសុខភាពចាក់អង្រែក្រោម, មន្ទីរពេទ្យខ្មែរ-សូវៀត, សាលាបឋមសិក្សា សុភមង្គល (ក្រោយផ្សារស៊ិន ជូរី បណ្តោះអាសន្ន) និងមន្ទីរពេទ្យបង្អែកនៅតាមបណ្តាខេត្តនានា៕
